租金回報低，點解？

澳門大部份租盤係外勞推動，外勞包括來自中國既，東南亞，香港等。

他們來澳既目的係搵錢，唔係做人世，他們有得選擇都會租平盤。但求搵得最多，寄錢番屋企。所以，你見大部份人都係租唐樓。

咁有乜問題？如果澳門本土低收入人士有經屋社屋住，就冇問題。但，政府停建經屋社屋，令唐樓頓成低收入人士與外勞既爭奪目標，令租金不斷上升。

既然上升，又點解話回報低？

回報低既唔係唐樓，而係其他既樓。例如有Lift, 十幾二十年樓齡果D，又例如新樓。

原因係因為唐樓有租金支持，樓價唔會太低，間接推高中價樓樓價，但係，中價樓既租務市場推唔上，因為中價樓既租務市場大部份都係靠比較專業既外勞！例如當舊年金融海潚之後，很多香港來的外勞返番香港，"乙水"仔中價樓租務市場瞬即下降。

照道理，租金下調，中價樓樓價都應該下調。咁應該回報會平衡番。

理論上係。除非政府短期有政策防止！政府點樣防止樓價下調?

1. 唔起社屋，經屋，穩定下價樓

2. 四厘補貼

但係依D政策只可以穩定樓價，唔可以創造租務需求！(政府點樣可以吸引其他人到澳門租樓住？)

所以係租金不斷下跌，樓價又唔大幅調整下，就做成租金回報低既情況。